灣仔勝記酒家-簡單美味香港老情懷的乳豬

唔知你細個有冇去過一啲舊式嘅酒樓食飯呢，裏面嘅侍應，的確非常之有禮貌，同埋佢哋嗰份人情味，係由心裏面感受到嘅，今日同老媽子去駱克道睇裝修傢俬，潔具同埋瓷磚等等，咁駱克道睇落好似冇乜嘢食，咁佢有要求要飲茶，上咗間酒樓試吓啦。

完全冇諗過香港竟然仲會有一啲咁舊式嘅酒樓存在，另外就係好驚訝一樣野，舊式嘅酒樓有比較別致嘅茶壺同埋碗碟，媽咪好鍾意。今次點左佢哋呢度好出名嘅古法特色乳豬，職員真係讚不絕口。乳豬皮非常之脆，而且佢後面清左啲肥膏，食落都係非常之甘香，同埋唔會覺得好油。

另外，點左海蜇，因為其實依家香港好多地方都係用假嘅，相對地我食得出應該係真嘅，碎上就比較可信。

黑松露餃好食呀，因為佢黑松露味好重，而且嗰個水晶皮亦都係做得好有咬口，另外就叫咗個灌湯餃上湯餃，非常之鮮味的高湯，而且個餃子皮呢非常之薄，一咬出汁，好好味！

另外食咗醉雞，好入味，紹興酒好清香，不過我覺得雞肉可以做得滑D。

食咗個個斑球腸粉，係唔係好特別呢？！其實我真係去咗咁多間酒樓飲茶都未見過呢一個點心！

真係非常之鮮味嘅，魚肉搭配埋晶瑩剔透嘅腸粉皮，豉油亦都調味得恰到好處。

豆腐同牛栢葉都做到好古早味，不俗。

今次飲茶真係好舒服，能夠喺灣仔銅鑼灣呢一個咁煩榮嘅地方，車水馬龍，可以喺咁熱咁辛苦，睇完瓷磚行完街之後，搵到地方飲茶坐低休息一陣，咁我哋落樓，就繼續睇其他裝修嘅用品，我覺得係一個幾好嘅地方，可以同屋企人飲茶。P。S，乳豬一定要黎試吓！

勝記酒家 

Sing Kee Restaurant

地址

灣仔杜老誌道6號群策大廈3樓

3/F, Kwan Chart Tower, 6 Tonnochy Road, Wan Chai

港鐵灣仔站 A1 出口, 步行約7分鐘

* * * * *這是分隔線喔，喵 * * * * * * * * * * *
BunnyMeow 九十後少女食神 , Since 2010 

Food ig  :  https://instagram.com/bunnymeow.foodie/
OpenRice Blog : http://www.openrice.com/zh/gourmet/reviews.htm?userid=763177&city=hongkong
Blog: https://bunnymeowhk.blogspot.hk

 Please SUBSCRIBE!   (喵，從不間斷收集身邊朋友的愛情食評故事）